*﹏女扮男生.......*續集

[Erika]

我：我應誠你！
仇：（笑）
仇：咁你而家想去邊呀？（笑）
我：去邊都得，只要同你一齊！（笑）
仇：咁．．．．．．丫！我諗到去邊喇！
我：去邊呀？
仇：去一個我從來冇同你去過既地方！
我：從來冇同我去過既地方？
仇：嗯！去唔去？
我：緊係去啦！
仇：咁仲唔行？（拖住我行）
絕情拖住我令我覺得好溫暖，因為．．．．．好耐喇．．．．真係好耐喇．．．．．．好耐冇試過拖住絕情隻手，佢果隻又大又溫暖又有安全感既手．．．．．．．我真係好掛住呢種感覺．．．．．．呢一刻我好想喊．．．．但係我話比自己知，我要變返以前既白雲天，我一定要堅強，一定要．．．．．．一定．．．．．最終我冇喊，但係對眼就紅曬．．．．．．仲比絕情見到添！
仇好溫柔咁摸下我塊面：傻妹！唔好咁啦，我會好心痛嫁！（好勉強咁笑）
我見到佢個樣，心痛：我冇野呀！我好叻呀！我冇喊呀！我一定會變返以前既白雲天，唔會再成曰喊嫁喇！
仇：咁就好喇！行啦！
我：嗯！
＞＞就黎到果度＜＜
絕情ｃｏｍ住我雙眼：比你估下呢度係邊度啦！就黎到嫁喇！
我：你ｃｏｍ住我對眼咁我點行路呀？一陣撞到條柱撞死我呀！
仇：我會保護你嫁嘛！唔洗驚！我會慢慢帶你行過去！信我！
我：嗯！我信你！
仇：拿！（拖住我隻手，拖住實一實）而家拖住你咁實，你唔驚啦！
我：（笑）
仇：到左喇！你而家聽到ｄ咩聲呀？
我：海．．．．．海浪聲！
仇：咁你估唔估到呢度係邊度呀？
我：沙灘？
仇：都話你聰明嫁啦！（放開我）你估岩左喇！
我：我真係冇同你黎過呢度呀！以前成曰叫你黎都唔肯！
仇拖住我行：唔洗返學咩以前？而家唔同喇！有幾自由得幾自由！
我：你講得岩，有幾自由得幾自由，我諗過喇而家，我唔想再返工ｌｕ～～係屋企歎世界仲好！
仇：有時歎下都好既！不過歎得太耐就會變到好懶嫁喇！我唔想下次見到你會見到個懶蟲呀！
我：乜你仲有機會見到我咩？
仇：．．．．．．
我坐低左：原來坐係呢度好舒服嫁！
絕情笑左笑，訓低左：訓係度仲正呀！
我：真係？
仇：嗯！
我訓低左，合埋眼：係呀．．．．好舒服呀！一路吹住海風，一路聽住ｄ海浪聲．．．．．呢種感覺好正呀！
仇：咁你中唔中意呀？
我：中意！好中意！
仇：咁你以後每次黎到呢度，就當我同你一齊黎囉！我會一直係你身邊嫁！
我：嗯．．．．．．．
靜左好耐．．．．．．．
我：其實．．．．你係咪好唔捨得我．．．．．．．地？同埋香港？
仇：唔．．．．．唔係呀！
我坐起身：講大話！如果真係唔係，咁你頭先見到我眼紅紅做咩要哄我，仲要好勉強咁笑？你知唔知你個樣令到我好痛．．．．好痛呀？（好想喊）
仇：雲天．．．．．．對唔住！（攬住我）
我推開佢：每一次都係咁，你要走講一句對唔住留低封信同一隻戒指就算，咁係咩意思呀？你有冇理過我既感受呀？你淨係識得講對唔住呢三個字，唔通你唔可以對我講我愛你既咩？成曰都講對唔住對唔住，對唔住有咩用呀？如果你真係覺得對我唔住咁點解你唔同我講清楚點解你要咁做丫？你乜野都唔同我講，我點知咩事喎？衰人！！！衰人！！！（把聲震曬）
仇：係呀！你講得一ｄ都冇錯，我係衰人！所以你一早就唔應該同我拍拖．．．．．．．如果你冇同我拍過拖，呢一切一切都唔會發生！
我：絕情．．．．．．．我只係想問你一句！你．．．．．．．．一直以黎係咪都咁愛我？定係冇愛過我？
仇：我都一直咁愛你！一直都係．．．．．冇變過！
我：咁阿櫻呢？
仇：．.......