仇：今曰係屬於我同你兩個人既！冇人可以破壞！
？：冇人可以破壞？咁我黎破壞得唔得呀？
我＋仇：呀櫻？
仇：點解你會黎呢度嫁？
櫻：如果我冇黎呢度都唔知你地係度做咩啦！
仇：咁你見到我地做咩啦，仲唔走？
櫻：你咁講算係咩意思呀？趕我走呀？
仇：唔該你走啦！唔好搞雲天呀！
櫻：雲天，雲天，你個心淨係得白雲天一個，咁我呢？
仇：我聽曰都同你一齊走啦，你仲想點呀？
櫻：點解你唔可以唔見佢？（指住我）點解你要搵佢？
仇：呢ｄ野唔關你事呀！你走啦！
櫻：如果我而家走左既話我聽曰就唔會同你走，我會留係度做出一ｄ你唔想我做既野！
仇：你而家究竟想點呀？（惡）
我：絕情！唔好咁！
櫻：做咩呀白雲天，你唔係好憎我既咩？你唔好懶好心咁幫我呀！
我：我而家幫你有罪咩？好心作雷劈！
櫻：咩呀？你幫我？我唔稀罕你幫我呀！！你搶走我既絕情！我而家要你將佢還返比我呀！（想摑落黎）
絕情捉住佢隻手：我講過唔會比你傷害到佢，如果你掂佢一條頭髮我唔會放過你嫁！
我：絕情，你行開！
仇：咩話？
我：我叫你行開！
仇：你想比佢打呀？
我：你當我係邊個呀？咁容易比人打到既咩？
仇：但係．．．．．．我驚你唔係佢對手呀！
我：你而家係咪唔信我呀？
仇：．．．．
我：信我！我唔會咁易比人打既！
絕情微微咁苦笑左一下，放開左呀櫻隻手，行開左！
櫻：白雲天你咁講咩意思呀？你竟然叫絕情走開？我都未試過咁對絕情呀！
我：你未試過又點呀？
櫻：我唔比你咁對佢呀！（摑我）
我諗住捉住佢隻手，但係捉唔住：呀．．．．（好痛）
仇：雲天！！！！！
我：唔好過黎！我搞得掂！
櫻：做咩呀？唔係話唔會咁易比人打既咩？
我：女仔之家咁大力打人，唔怪得之你冇人中意啦！
櫻：你講咩話？（惡）
我：我講緊廣東話呀！係咪聽唔明呀？
櫻：串我呀？死八婆！（一拳打落黎）
我避開左：你叫我死八婆？我都未試過比人叫死八婆嫁！！（打櫻）
櫻中左：呀．．．．．好痛呀！！
我：點呀？死姣婆！！未試過比人打呀？
櫻：你．．．．．我同你死過！
我：死咪死！睇下最後邊個死！
由呢一刻開始呢個沙灘充滿住好濃既殺氣！
仇：雲天．．．．．你千其唔好有事！呀櫻唔係咁易對付嫁！