烧烤秘笈

[麦田守望者]

1.燒燈龍椒，好甜架

2.燒矮瓜之後挖ｄ肉出黎撈麻油食

3.焗矮瓜: 矮瓜切塊, 加入日式燒醬 （Teriyaki sauce)用鍚紙包住焗, or 淨煨.開封後放入腐乳, 好好好味!

4.香蕉... 唔好去皮...剪開一條痕...窒D朱古力（預先將純朱古力整成細細粒)落去香蕉裏面.用錫紙包好, 燔15-20分鐘.完成後,朱古力就會溶左係個蕉裏面,味道極佳。但小心未用朱古力前, 佢已經溶哂。

5.墨魚、大蝦、多春魚, 包你話正!!

6.吊片: 齋燒. 要加入大量蜜糖, 否則好苦. 仲可以加辣椒豉油.

7.魷魚: 釀芝士磨菇包鍚紙焗

8.魷魚: 開邊搽南乳醬燒

9.要用錫紙包著來燒的金菇,粟米, 薯仔, 小白菜,加d牛油and蒜蓉落去, 可加美極調味.

10.花蟹, 去左個鰓就可以燒架啦! 用錫紙包住慶,會原汁原味D~

11.蟹: （use salt,最好用粗鹽,用錫紙包住放係旁邊,全熟就食得,唔好斬件)

12.燒生的白鱔, 買條大的, 去骨, cut it into big pieces....之後用wine and pepper作調味...... 之後燒.......用日式饅魚汁調味,好味嫁......有點像日式店買的一樣........

13.洋蔥先出一出水, 先至拎去燒,又或者用錫紙包住焗.因為唔係個個都受到洋蔥味, 可以用一d濃d0既汁伴食, 如日本燒汁, 我就中意用corn syrup （或蜜糖都得)溝燒烤醬黎食, 好正架.......

14.焗什菇 : 用你中意食0既菇放埋一齊, 加d蒜茸同油,用錫紙包住焗

15.焗三寶 : 用青,紅及黃椒, 加沙爹醬, 用錫紙包全焗.

16.燒大冬菇 : 買一d手掌咁大既portabella mushroom,燒完伴日式燒汁食.

17.燒蕃茄:買一ｄ大肉茄,燒到佢皮開肉裂就最正,食時小心中間會好熱,ｄ汁會燙口．

18.燒粟米

19.燒薯仔: 先出水, 再連皮燒, 我中意用新薯,d皮好好食,的的式式又容易燒, 連蜜糖食可以做甜品.

20.釀蕃茄 : 切開一半去左個芯, 釀入己調味0既免治牛同洋蔥粒, >再夾番埋, 用錫紙包住燒, 廿分鐘後有得食........

21.蘆筍魚夾: 買龍利柳最正, 外面用煙肉包住,以防燒焦,蘆筍放入兩塊魚中間,加入薑絲 >黑椒等等, 再用錫紙包住燒, 十分鐘攪掂.......

22.燒番茄 : 切開一半, 叉住佢. 先燒茄肉, 小心茄肉 BIT 出.之後反轉燒底部, 燒既時候在面層加蒜蓉.等到微微乾身, 就算?左少少都可以.出乎意料的好好好味.

23.芝士火鍋 : 無聊之作. 用鍚紙做個鍋型, 再用燒烤叉篤實,加上芝士後待燒溶. 點包食. 味道一般但得意

24.錫紙 + 鮮大蝦 + 辣椒

25.燒牛油大蝦碌: 冰鮮大蝦, 加大量牛油, 用錫紙包住

26.奢侈D試下貴妃蚌,放D牛油同garlic,非常鮮甜

27.大眼雞

28.燒扇貝,放在網上燒,好快有得食

29.Crab legs with salt and butter

31.雞皮烘方飽: 將雞皮撻響飽面度燒，之後唔要雞皮，淨食麵包

32.煙肉蝦串:即係用煙肉卷住鮮蝦（去殼）再串成一串，燒至煙肉開始香脆，唔會太肥膩，而入面既蝦因為唔係直接受火，所以肉汁可以保留唔乾，食落面頭就脆卜卜，但內裡就鮮味無窮，好正架！ ^-^

33.燒龍蝦:去尿洗淨加salt,之後係爐上燒烤,唔好包住焗,雖原汁原味,但會睇唔到佢幾時熟,危險!!!

34.龍蝦: 搵D雞皮包住燒

35.燒蜆:買斤蜆返黎吐左沙，放幾隻蜆上網上燒，蜆殼上放幾粒粗鹽，等蜆熟 開口時就食得！

36.燒蜆: 用小炭爐放塊瓦片,再放用牙刷洗好既蜆,蜆張開口時點進一兩滴醬油,送酒一流呀. 蔡瀾教的.

37.燒瀨尿蝦: 加些少辣椒豉油，咁串住燒就得，好鮮甜！

38.燒燒賣: 外脆內軟

39.栗子: 用錫紙包，放係爐旁邊/下面，不過小心爆,pop pop聲好鬼好玩

[小桃红]

星期六去太阳岛烧烤，无带锡纸，Ｄ也烧得都吾好食．